La eksperimento de Eratosteno konsistas el mezuri ombron sub la Suno la saman tagon en du tre malproksimaj lokoj kaj poste kalkuli dimension de la Tero.

Kelkaj lernejoj jam provis fari la mezuron (oni trovas detalojn pri tiu simpla metodo per Interreto), sed la plej grava barilo estis ĝis nun la lingvo... Do ni Esperantistoj pruvu la utilecon de nia lingvo ! Jen grandega projekto por, per kaj dank’ al Esperanto !

Tiu projekto koncernas ĉiujn sciencamantojn, de grupo da infanoj ĝis klubo da malnovaj esperantistoj ! Partoprenu !