Elekti kolorojn : grizaj Verda kaj ruĝa Blanka kaj nigra
Ĝisdatigita sabaton la 11an de marto 2017 . Ĝis nun estas 2473 tekstoj   Rss  Indekso  Privata spaco  Kontakto
Venonta kongreso | SAT-kulturo | Libroj | Dokumentoj | SAT-organo | Frakcioj | Fakoj | Informoj | Ligoj | Arĥivoj | Membriĝi

En la sama rubriko

puce Aliĝintoj
puce Bazaj praktikaj informoj
puce Deklaracio kaj Gvidrezolucio 2007
puce Kiel atingi la kongresejon ?
puce Kiu estis Jean Zay (Johano Zajo) ?
puce Loĝeblecoj
puce Provizora programo

Deklaracio kaj Gvidrezolucio 2007

Gvidrezolucio

La 80-a Kongreso de Sennacieca Asocio Tutmonda (SAT) kunveninte en Antonio (apud Parizo) de la 21-a ĝis la 28-a de julio 2007 :

· taskas la Plenum-Komitaton difini la aperritmon de Sennaciulo en interkonsultiĝo kun la redakto-skipo ;

· konstatas, ke la Plenum-Komitato portas la ĉefan respondecon pri redaktado kaj eldonado de Sennaciulo kaj Sennacieca Revuo, kaj gvidas la redakto-skipon inkluzive la ĉefredaktoron ; ĝi alvokas la membrojn pli vigle kontribui al la organoj de SAT ;

· rekomendas eksperimente enkonduki reprezentanton de ĉiu SAT-rondo en la Ĝeneralan Konsilantaron (ĜK-aron) ; la reprezentantoj estu tuj allasitaj al la dissendolisto de la ĜK-aro, sed ne havos voĉdonrajton en kazo de balotado ;

· komisias la Plenum-Komitaton kunvoki laborgrupon, kiu esploru la teknikajn problemojn de la KD-igo de Plena Ilustrita Vortaro (PIV), la konsekvencojn de ĝia eventuala estonta enretigo kaj ĝian estontan poluradon ;

· proponas, ke la LEA-Komitato kaj la Poresperanta Fako, cele al kunordigado de siaj komunaj agadterenoj, dum la estonta kongreso de SAT kunsidu en komuna forumo ;

· instigas la membrojn liveri informojn pri siaj personaj interesoj kaj agadkampoj, cele al kompletigo de la SAT-Adresaro per indikoj, kiuj plifaciligu la kunlaboron de la membraro ;

· alvokas al ĉiuj anoj informi la PK pri ĉiuj eblecoj transpreni diversajn taskojn priskribitajn en la klarigo pri la administrado, precipe se ili mem kapablas ion transpreni, aŭ konas iun alian taŭgan.

Deklaracio

La 80-a Kongreso de Sennacieca Asocio Tutmonda (SAT) kunveninte en Antonio (apud Parizo) de la 21-a ĝis la 28-a de julio 2007 substrekas, ke nia Statuto instigas la membrojn de SAT agadi sur diversaj terenoj, kaj ĉi-jare atentigas la membrojn pri apartaj terenoj. La Kongreso :

· apogas en ĉiuj landoj la apartigon inter la ŝtato kaj la eklezioj kiel bazon de reala demokratio ;

· subtenas la agadojn por alternativa ekonomio, kiuj celas pli al homara utileco ol al profito ;

· proponas, ke ankaŭ ĉi-jare SAT sendu protestan leteron al la ambasado de tiuj landoj, kiuj ankoraŭ ne subskribis la Konvencion de Otavo ;

· subtenas la batalon de ICBL (International Campaign to Ban Landmines – Internacia Kampanjo por Malpermesi la Kontraŭpersonajn Minojn), kiu agas por la universaligo de la Konvencio de Otavo ;

· subtenas ĉiujn agadojn por alveni al traktato, kiu malpermesos la uzon, la produktadon kaj la stokadon de pafaĵoĵetoj el bomboj ;

· subtenas, kun aparta atento al la kazo de nia kamarado Sekvojo, ĉiujn agadojn celantajn aboli la mortopunon en la landoj, kie ĝi ankoraŭ ekzistas.

 

Sennacieca Asocio Tutmonda (SAT)

67 av. Gambetta
FR - 75020 Paris

Retadreso : kontakto@satesperanto.org
Pri financaĵoj : financoj@satesperanto.org
Retejo : http://satesperanto.org/
Tel : (+33) 09 53 50 99 58

Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj@satesperanto.org

Por renkontiĝi kun SAT-anoj en Parizo, informiĝu ĉe la sidejo de SAT-Amikaro

Se vi havas demandojn pri SAT, skribu al la SAT-oficejo en Parizo
aŭ al via peranto

Pri teknikaj problemoj sur la paĝo, skribu al paĝo-aranĝulo.

Privata ejo
Danke al spip

PNG - 436 bitokoj
fabrikita en esperantio