sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 8an de junio 2017 . ĝis nun estas 1314 tekstoj










Lippe : Fabeleto (rimpoemo)


JPEG - 59.1 kb

Elvira Lippe
Fabeleto


Gnomo paŝis en arbaron,
Grizan havis li hararon,
Muske verdan la ĵaketon,
Funge ruĝan la ĉapeton.

Fabeletojn en korbeto
Portis li por sciureto.

Gnomo paŝis kaj laciĝis.
Li laciĝis kaj sidiĝis
Sur la molan, varman teron,
Sub la verdan juniperon.

Korbon li en manoj tenis, –
Nun silente dormo venis.

Je rezin‘ aer’ odoris,
Pego frapis, gufo ploris...

La korbeto renversiĝis
kaj fabeloj elverŝiĝis.



Sama rubriko :


puce Cart : La fosiloj (fabelo)

puce Lippe : Fabeleto (rimpoemo)

puce Szilágyi : Tre moderna fabelo

puce Ret Marut : Kundar, fabelotraduko (PDF)




Supren