sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita mardon la 7an de februaro 2017 . ĝis nun estas 1313 tekstoj










JUNA AMIKO : La enterigo de Moliere (anekdoto)


JPEG - 27.1 kb

La enterigo de Moliere 


(anekdoto)
 

En la jaro 1673, post kiam mortis Moliere, la fama franca verkisto de komedioj, la pariza ĉefepiskopo malpermesis entombigi lin en la benitan teron de la urba tombejo. Nek petoj nek minacoj de la amikoj de Moliere povis ŝanĝi la obstinan decidon de la ĉefepiskopo.

Kiam la tiama reĝo Ludoviko XIV, la tielnomata sunreĝo, ekkonis, ke neniuj rimedoj helpas supervenki la obstinecon, li demandis la ĉefepiskopon : "Kiom profunda estas la benita tero ?"

La cefepiskopo, kiu ne pensis pri la ruzeco de la reĝo, respondis : "Du metrojn profunda ĝi estas, Via Reĝa Moŝto."

"Bone", daŭrigis la reĝo : "La tombistoj do elfosu tombon profundan tri metrojn ! Tiamaniere Moliere estos entombigita unu metron sub la benita tero."

Kaj tiel oni faris...

Laŭ Juna Amiko

Sama rubriko :


puce Bennemann : Balzac kaj lia tajloro (anekdoto)

puce Cezar : Anekdoto pri Aeksandro de Humboldt kaj papago

puce Seppik : Skeptika vilaĝanino (anekdoto)

puce JUNA AMIKO : Se oni ne lernis ion (anekdoto)

puce JUNA AMIKO : La enterigo de Moliere (anekdoto)

puce La karaj braceletoj (anekdoto el Fundamenta Krestomatio)




Supren