Elekti kolorojn :
#14Ja - Tutmonda tago pri la popularaj asembleoj Manifesto de la madrida protesto-kampadejo de Sunporda placo (15a de majo) Proponoj (20a de majo) Kampadejo SOL plustaras (27a de majo) 15M-Movado. Madrido asembleas (29a de majo) Al la indignantaj civitanoj de Grekio k Eŭropo (25a de majo) Ŝuldoplafono : ne, dankon ! (05-09-2011) 15-an de Oktobro - Unuiĝo por Tutmonda Ŝanĝo Alvoko de Mikiso Teodorakiso al internacia publika opiniularo De la 11-a al la 18-a de Januaro : Internacia Agoro de Romo Ekstaro la 12-an de Majo 2012 HOMAJ RAJTOJ NE ESTAS LAŬVOLAJ ! (2011-12-10) MI NE FORIRAS - Filmeto - Okupu Wall Street Ni ĉiuj estas grekoj ! Tutmondan solidarecon !Ĝenerala/popola asembleo
Kiam iu popolo estas atakata, ja estas atakataj ĉiuj popoloj
La 10an de februaro, la ne-elektita estraro de Grekujo adoptis novan konsumbridan planon, ankoraŭ pli malmildan kaj detruan. La minimuma salajro estos malpliigita je 22% kaj frostita por tri jaroj, la kolektivaj interakordoj (konvencioj) estas simple malaperigitaj (nuligitaj), okazos 15 000 maldungoj en la ŝtatfunkciularo kaj 150 000 postenoj estos detruitaj per nerenovigo.
La Greka popolo ekbolas, ribeladas kontraŭ tiu ĉi politiko bazita sur socia timegigo. Akompanataj de terura silento far la informrimedoj, protestmanifestacioj multobliĝas, kaj ankaŭ la ĝeneralaj strikoj, malgraŭ sovaĝa subpremo (punhaltigo).
La Grekoj bezonas internacian solidarecon, kaj alvokas pri ĝi.
Ni nepre respondu al tiu alvoko.
La mobilizadon de la Grekoj haltigas iu eŭropa kaj internacia diktaturo, nome tiu de la financaj merkatoj kaj de la "troiko" : EU, ECB, IMF, kiuj trudis al la Grekoj tiujn konsumbridajn planojn, samtempe kun estraro neelektita. La estraroj de EU, aparte tiu de Francujo, partoprenas en tiu diktaturo, kaj aplikas en la aliaj landoj samspecajn politikojn. Por ili, Grekujo estas nur iu laboratorio, antaŭ ĝeneraligo. La situacio pli kaj pli fariĝos danĝera per la nova eŭropa traktato, kiu trudos nin akcepti la "oran regulon" en niaj konstitucioj.
Ni unuigu niajn luktojn kaj ni kune konstruu iun movadon, kiu ebligos rezisti kaj krei. Ni defendu niajn rajtojn kaj refariĝu mastroj de niaj vivoj.
Ekde novembro, indignulaj marŝantoj iradas de Nico al Ateno, pro solidareco kun la Grekoj. La asembleo Reala Demokrateco de Parizo, kuniĝante la 12an de februaro, esprimas sian apogon kaj sian amikecon al la mobilizita greka popolo, kaj alvokas ĉiujn civitanoj partopreni en la manifestacioj kiujn la kolektiva grupo de grekaj laboristoj kaj studentoj organizos en la venontaj tagoj, sekve al la hodiaŭa kuniĝo antaŭ la Greka Ambasadejo
Deklaracio akceptita en kunkonsento je la Ĝenerala Asembleo en Parizo, la 12an de februaro 2012
Tradukis Dominik’ Vaskoni-Kuturiero (Dominique Vasconi-Couturier)
Sennacieca Asocio Tutmonda (SAT)
67 av. Gambetta FR - 75020 Paris (telefono) +33.(0)1 47 97 71 90
Freebox : +33.(0)9.50.71.01.97
retadreso : satesperanto@free.fr
http://satesperanto.org/
IBAN :FR41 2004 1000 0101 2342 2K02 064 BIC : PSSTFRPPPAR
Por renkontiĝi kun SAT-anoj en Parizo bv. informiĝi ĉe la sidejo de SAT-Amikaro
Se vi havas demandojn pri SAT,
bv. skribi al la SAT-oficejo en Parizo : aŭ al via Landa Peranto
Pri teĥnikaj problemoj sur la paĝo, skribu al paĝo-aranĝulo.
