Gvidrezolucio de la 96a SAT-kongreso

La 96-a Kongreso de Sennacieca Asocio Tutmonda (SAT) okazinta en Greziljono de la 18‑a ĝis la 25-a de Julio 2023 :

1. instigas la Plenumkomitaton kiel eble plej baldaŭ restarigi la retejon de SAT ;
2. postulas de la Plenumkomitato kiel eble plej baldaŭ ekfunkciigi komisionon por kolekti proponojn pri la statutŝanĝo ;
3. proponas, ke la Teknika Komisiono daŭrigu sian laboron ;
4. instigas la Plenumkomitaton kaj la SATanojn daŭre zorgi pri la normala funkciado de la diversaj komunikiloj de la asocio ;
5. petas la SATanojn konduti kamaradece en la diversaj kanaloj de SAT ;
6. postulas de la Plenumkomitato organizi la enketon pri la uzado de la komunikaj rimedoj, ĉu elektronikaj, ĉu paperaj ;
7. kuraĝigas la membrojn kandidatiĝi por la elektota Plenumkomitato kiel eble plej frue, tiel ke la nuna PK je la fino de oktobro povu diskonigi la liston de la kandidatoj ;
8. petas, ke la Organiza Kongresa Komitato ĉiam informu la kongresontojn pri la surlokaj teknikaj rimedoj (ekzemple retkonekto en la kongresejo, konekteblecoj de projekciilo ktp.).