Hans-Georg Kaiser
Ne ŝovu vian nazon...
Ne ŝovu vian nazon
en ĉiun fremdan vazon,
respektu privatecon,
elektu ĉiam decon.
Se vi spionas homojn
kaj orelumas domojn,
vi estas sen respekto
pro kruda decneglekto.
Ne estu fi-scivola,
eĉ tute libervola.
Do for de fremda vazo
per tro scivola nazo.
PS : Mi verkis tion laŭ proverbo de Zamenhof : "Ne ŝovu vian nazon en fremdan vazon." (senco : altrudiĝo) Variaĵo de la proverbo estas : Ne metu vian vazon en ĉiun kotan vazon, tio povus havi almenaŭ du signifojn,ke ne indas la penon okupiĝi pri ĉiu banala fiaĵo, kiu eble eĉ ne influeblas de oni, aŭ ke la miksiĝo en certajn aferojn povas esti eĉ danĝera. Poemoj kaj proverboj estas parencoj, ĉar ili estas de tempo al tempo pro la samaj kaŭzoj eŭfemismaj. (HGK)
Sennacieca Asocio Tutmonda (SAT)
67 av. Gambetta
FR - 75020 Paris
Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58
Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org
Por renkontiĝi kun SAT-anoj en Parizo, informiĝu ĉe la sidejo de SAT-Amikaro
Se vi havas demandojn pri SAT, skribu al la SAT-oficejo en Parizo
aŭ al via peranto
Pri teknikaj problemoj sur la paĝo, skribu al paĝo-aranĝulo.