sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 6an de junio 2019 . ĝis nun estas 1348 tekstoj










Subtene al Honduraj laboristoj

La Kamparana Vojo alvokas ĉiujn sociajn movadojn kaj kunbatalantojn

Donacu por subteni la lukton en Honduro !



La popolo de Honduro estas sur la stratoj. Viroj kaj virinoj el ĉiaj specoj manifestaciadas de pli ol unu monato de kiam la puĉo elpelis la balote elektitan prezidenton José Manuel Zelaya la 28-an de junio kaj anstataŭigis lin per Roberto Micheletti. La puĉestro estas subtenata de la konservativa elito, inkluzive de partoj de la militistaro, eklezio kaj de la komerca sektoro – ĉiu el ili vidis siajn antaŭajn privilegiojn ŝrumpi pro la socialaj politikoj de Zelaya.

JPEG - 26.8 kb
Honduro


De tiam, miloj da civitanoj marŝis al la landlimo kun Nikaragvo por bonvenigi la eblan revenon de la balote elektita prezidento, kiu ĝis nun ne povis reveni. Manifestaciantoj restas tie en tendumejoj ĉe ambaŭ flankoj de la landlimo, plu tenante grandan premon. Ankaŭ en urboj, kamparanaj movadoj, laboristaj sindikatoj, instruistaj sindikatoj kaj multaj aliaj sociaj movadoj kaj ordinaraj civitanoj stratmarŝis, organizite en Kontraŭstara Fronto kontraŭ la Puĉon.


La subpremo estis ekstreme drasta. Centoj da homoj estas perfortitaj de la polico kaj armeo, la amaskomunikilaro estas silentigita kaj almenaŭ 8 homoj estas mortigitaj.


Tamen, sociaj movadoj en Honduro leviĝas kaj ili neniam estis tiel bone organizitaj kaj mobiliziĝantaj.


Hieraŭ, 5-an de aŭgusto, miloj da homoj ekmarŝis de la provincoj al la du plej grandaj urboj de Honduro : Tegucigalpa kaj San Pedro Sula. Ili marŝas 15 km tage, montrante al ĉiuj la forton kaj decidemon de la kontraŭstaro al la sanga puĉo. Ilia marŝo atingos sian celon la 11-an de aŭgusto, proklamitan Internacia Agotago por Honduro.


Manifestaciantoj estas postulantaj la revenon de la balote elektita prezidento, sed multe pli ol tion ĉi : ili marŝas por nova socio, kie agrikulturistoj, instruistoj, laboristoj, studentoj, ordinaraj homoj estu ĉe la centro de la politika vivo. Por socio bazita sur solidareco kaj justeco, ne sur privilegioj kaj mono.


La rezulto de la Hondura krizo determinos la sorton de la tuta regiono de ties loĝantaro, ĝi eĥiĝos ĉie, internaciskale.


Ni ĉiuj estas koncernataj.


Manifestaciantoj en Honduro urĝe bezonas resursojn por daŭrigi sian lukton : vi povas helpi ilin !


Post unu monato da kunaj streboj, La Kamparana Vojo de Honduro alvokas al permona subteno por helpi la amasan proteston.


* Homoj bezonas akvon, nutraĵojn, litkovrilojn, kuracilojn en la tendumejoj kaj en la stratoj,


* Organizantoj bezonas krediton por poŝtelefonoj kaj aliron al interreto por plu kunagadi kaj informi la mondon - des pli nun, kiam la amaskomunikilaro estas subregata,


* Viktimoj kaj ties parencoj bezonas prijuran helpon : kelkaj aktivuloj malaperis, kelkaj estis mortigitaj, ĉiutage la sanga subpremo disvolviĝas,


* Internaciaj delegacioj survojiĝis al Honduro por priatesti kaj denunci perfortadon al Homaj Rajtoj kaj por alporti solidarecon al la luktantaj viroj kaj virinoj. Ankaŭ ili bezonas monon por financi vojaĝ-kostojn,


Vi povas ankaŭ organizi solidaran agadon, kie ajn vi loĝas la 11-an de aŭgusto.


Bankkonto n°1


Banko : IPAR KUTxA


Kontposedanto : ASOCIACIÓN LURBIDE – EL CAMINO DE LA TIERRA


Lando : Hispanio


SWIFT : CVRVES2B


IBAN : ES54 3084 0023 5364 0006 1004


Kontonumero : 3084 0023 53 6400061004


Mesaĝo : Lucha Honduras


Bankkonto n° 2


Banko : BANCA POPOLARE ETICA


Kontoposedanto : ASOCIACIÓN LURBIDE – EL CAMINO DE LA TIERRA


Lando : Italio


SWIFT : CCRTIT2T84A


IBAN : IT21 O 050 1812 1000 0000 0125 127 (Atentu pri diferenco inter litero "O" kaj cifero "0")


Kontnumero : 000000125127


Mesaĝo : Lucha Honduras

Sama rubriko :


puce G8 devas ordigi proprajn misaĵojn anstataŭ diktatori al malriĉaj landoj kion ili faru.

puce G8-konferenco sen agrikulturistoj= pli da malsato kaj malriĉeco

puce Popolmovadoj povas starigi alternativojn por financi disvolviĝon

puce Reakiru ni la kampojn

puce La Kamparana Vojo alvokas ĉiujn sociajn movadojn kaj kunbatalantojn

puce Tutmonda agotago por Honduro

puce Milojn da Kankunoj por klimata justeco !

puce Unua tutmonda agotago kontraŭ firmaoj tutmondaj




Supren