sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 6an de junio 2019 . ĝis nun estas 1348 tekstoj










Nikolao Nekrasov : Soneto pri Esperanto


JPEG - 120.9 kb


Vi, Esperanto, estas mia prismo,
Tra kiu vidas mi el mia ĉel’.
Tra vi mi vidas nigron de abismo,
Tra vi mi vidas blankon de ĉiel’.

Kun vi konverĝis mia organismo
Kaj eble do pro tiu paralel’
Mi mem en mia stranga egoismo
Reflektas Esperanton en malhel’.

Ĉu estas mi individu’ unika,
Ĉu nura homarer’, senkvalifika
Kaj kiun rolon ludas mia vers’ ?

Mi mian koron nur konscias bone
Batadi samregule, unutone
Kun la grandega kor’de l’univers’.

Sama rubriko :


puce Nikolao NEKRASOV : Fablo pri gilotin-ŝraŭbeto (rimpoemo)

puce Nikolao Nekrasov : Mia lingvo (rimpoemo)

puce Nikolao Nekrasov : Preludo (rimpoemo)

puce Nikolao Nekrasov : Soneto pri Esperanto

puce Nikolao Nekrasov kiel kongresa sekretario en Moskvo (foto)




Supren