Ĝisdatigita ĵaŭdon la 11an de aprilo 2024 . Ĝis nun estas 2904 tekstoj Rss Indekso Privata spaco Kontakto

UNUA PAĜO

En la sama rubriko

Mühsam : Rendevuo
puce

Mühsam : Revoluciulo
puce

Mühsam : Rezignado
puce

Mühsam : Ĉe l’ Venkpordego

Mühsam : Revoluciulo

rimpoemo, dediĉita al la germana socialdemokratio

Nuntempa historia gaslanterno en Dresdeno

Erik Mühsam
Revoluciulo

Dediĉita al la germana socialdemokratio,
ekestis jam en la jaro 1907

Estis revoluciulo,

jen lanternopurigulo ;

paŝis li en rekta far’

kun la revoluciar’.

Kriis li : "Revolucio !"

Lia ĉap’ laŭ pozicio

al maldekstra flank’ enventis.

Tre danĝera li sin sentis.

Sed la revoluciuloj

paŝis strate sen skrupuloj,

kie li purigas mem

gaslanternojn, eĉ kun em’.

Gaslanternojn de la strato

ŝiris ili sen kompato

el la stratpavim’ kun bru’

por la barikadkonstru’.

Nia revoluciisto

kaj lanternopurigisto

de l’ ŝatata lum’ en fon’

kriis : "Halt’ !" kun plenda ton’.

"Se la lumoj ne plu estus,

homoj ja sen lumo restus.

Lasu tion, petas mi !

Mi ne irus plu kun vi !"

Sed la revoluciuloj

ridis nur pri la postuloj.

Ĉe l’ krakad’ la purigist’

fuĝis, ploris kun insist’.

Poste restis li nun hejme,

verkis libron tiuteme :

Kiel do revoluci’

kun lanternpurig’ dum ĝi.

tradukis Hans-Georg Kaiser

ERICH MÜHSAM
DER REVOLUZZER

Der deutschen Sozialdemokratie gewidmet

War einmal ein Revoluzzer,
Im Zivilstand Lampenputzer ;
Ging im Revoluzzerschritt
Mit den Revoluzzern mit.

Und er schrie : „Ich revolüzze !“
Und die Revoluzzermütze
Schob er auf das linke Ohr,
Kam sich höchst gefährlich vor.

Doch die Revoluzzer schritten
Mitten in der Straßen Mitten,
Wo er sonsten unverdrutzt
Alle Gaslaternen putzt.

Sie vom Boden zu entfernen,
rupfte man die Gaslaternen
Aus dem Straßenpflaster aus,
Zwecks des Barrikadenbaus.

Aber unser Revoluzzer
Schrie : „Ich bin der Lampenputzer
Dieses guten Leuchtelichts.
Bitte, bitte, tut ihm nichts !

Wenn wir ihn’ das Licht ausdrehen,
Kann kein Bürger nichts mehr sehen,
Laßt die Lampen stehn, ich bitt !
Denn sonst spiel’ ich nicht mehr mit !“

Doch die Revoluzzer lachten,
Und die Gaslaternen krachten,
Und der Lampenputzer schlich
Fort und weinte bitterlich.

Dann ist er zuhaus geblieben
Und hat dort ein Buch geschrieben :
Nämlich, wie man revoluzzt
Und dabei doch Lampen putzt.

Burĝa revolucio en Dresdeno, 1848

PS : Bakunin, la granda rusa anarkiisto, kiu timis neniun kaj nenion, rekomendis kiel aktiva partoprenanto de la burĝa revolucio en Dresdeno en la jaro 1848, ke oni uzu la gaslanternojn de Dresdeno por la barikadokonstruo. Sed tio tute ne plaĉis al kelkaj tiamaj revoluciuloj. Dresdenanoj, kiuj estas tre artŝatantaj kaj malfermaj al moderna tekniko, rigardis tion jam tiam eĉ en tiu speciala kazo kiel grandan sakrilegion, ke oni detruu la utilajn kaj belajn gaslanternojn. Mi supozas, ke Mühsam certe uzis tiun konatan anekdoton pri Bakunin por verki sian spritan kaj ridigan poemon dediĉitan al la germana socialdemokratio. Ĉu li tute pravas ? Mi iom dubas pri tio. Sed per eterna ŝtelirado en la maniero de malsana tripieda kato ni certe ne atingos celon, ĉu ne ? (HGK)

Sennacieca Asocio Tutmonda (SAT)

67 av. Gambetta
FR - 75020 Paris

Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58

Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org

Por renkontiĝi kun SAT-anoj en Parizo, informiĝu ĉe la sidejo de SAT-Amikaro

Se vi havas demandojn pri SAT, skribu al la SAT-oficejo en Parizo
aŭ al via peranto

Pri teknikaj problemoj sur la paĝo, skribu al paĝo-aranĝulo.

Privata ejo
Danke al spip

fabrikita en esperantio