Ŝirviolona Joĉjo (Zupfgeigenhansel) : Malhelas jam erikeje (kantotraduko)

Ĝisdatigita sabaton la 27an de aprilo 2024 . Ĝis nun estas 2907 tekstoj Rss Indekso Privata spaco Kontakto

UNUA PAĜO

En la sama rubriko

Anonima : Fonto de rejuniĝo (kantotraduko)
puce

Anonima : La pensoj liberas
puce

Arnim de Bretano : Ĝibvireto
puce

Hannes Wader : Turniĝi kien mi povas ?
puce

Mi iras kun mia lanterno (kantotraduko)
puce

Ŝirviolona Joĉjo (Zupfgeigenhansel) : Malhelas jam erikeje (kantotraduko)

(germanlingva popolkanto)

Malhelas jam erikeje,
do hejmen nun kun brav’.
Ni tranĉis jam ĉiun grenon
per nia nuda glav’.

2

Mi aŭdis sibli serpojn
en gren’ kun delikat’.
Mi aŭdis plendi la karan
pri perdo de l’ amat’.

3

Kvankam vi perdis amon,
mi portas vin en kor’.
Ni ambaŭ plektu do kune
kroneton kun fervor’.

Kroneton ja el rozo
el fask’ de trifoli’
En Frankfurt’ sur la ponto
tre neĝis apud mi.

La neĝo jam degelis
kaj fluas nun torent’.
Kvankam mi vin ne vidas,
mi portas vin en sent’.

Ĝardene de la patro
arbetoj staras du.
Kaj ili portas muskatojn
kaj brunnajletojn plu.

7

Muskatoj estas dolĉaj.
Siringoj belas tre.
Ni ambaŭ devas disiĝi,
adiaŭ do, ho ve !

tradukis Hans-Georg Kaiser

Rimarko : Brunnajletoj estas malnova germana esprimo por siringo.