sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 6an de junio 2019 . ĝis nun estas 1348 tekstoj










Hans-Georg Kaiser : Se ni en taverno sidas... (rimpoemo)

drinkkanto


JPEG - 129.2 kb


Se ni en taverno sidas
kaj soifon nian bridas,
nin la tuta mondo ravas,
teraj plagoj ne plu gravas.

Se ni en taverno kantas,
nin demonoj ne plu hantas,
ni la vivon puran festas
kaj hepaton nian testas.

Se ni en taverno mortos,
nin la drinkfratar’ forportos,
nia tomb’ barelo estos,
vinovero ĝin atestos.

Se l’ ĉielo nin akceptos,
kelon novan ni elektos ;
al taverno ni tuj iros
kaj liberon ĉiam spiros.

Estas la tavern’ sanktejo,
vino nia sanktoleo,
kaj se kantas la anĝeloj,
iĝas ĉiuj aĉoj beloj.

Estu laŭrokron’ la ŝaŭmo
kaj la manifest’ de Raŭmo.
Esperantovino gustas,
tiu eĉ ĉiele ĝustas.