Wang Meng : Malgranda, eta kaj eĉ pli eta (anekdototraduko)

Antaŭ cent jaroj prezentiĝis tie dotita aktoro kun la artista nomo Xiang-you-hong (Odorante Ruĝa). En ĉiu ĝenro li estis bonega, kiel kantisto kaj aktoro, kiel recitisto kaj akrobato.

Lia famo estis tutmonda. Iom post iom Odorante Ruĝa maljuniĝis kaj ne povis plu prezenti sin. La aktoro, kiun la homoj ekde tiam plej ŝatis, estis la plej preferata lernanto de Odorante Ruĝa, nomata : Odorante Ruĝa la Malgranda. Tiu similis al Odorante Ruĝa ne nur rilate al siaj artistaj kapabloj, sed eĉ laŭaspekte, pro siaj preferoj kaj kutimoj li similis eksterodinare al Odorante Ruĝa. La vizaĝo de Odorante Ruĝa estis ovala kiel melonkerno. Odorante Ruĝa havis la kutimon fumi akvopipon, kaj Odorante Ruĝa la Malgranda tial same fumis ĝin. Odorante Ruĝa havis sub la maldekstra palpebro denaskan makulon. Tial Odorante Ruĝa la Malgranda per krajono desegnis same tian laŭdenaskan makulon sub sian maldekstran palpebron, kaj tiel plu kaj tiel plu. Post kiam ankaŭ Odorante Ruĝa la Malgranda maljuniĝis, Odorante Ruĝa Malgrandeta fariĝis la plej ŝatata artisto de la teatro. Kaj hodiaŭ la plej forta artista kolono de la teatro estas Odorante Ruĝa la Malgrandeteteta.