Klaŭdo Roux : La natursciencaj terminoj en la Nova PIV

Resumo : La revizio de la naturscienca parto de la 1970a eldono de PIV estis nepre necesa i.a. pro malnovaj sciencaj donitaĵoj (de la jaroj 1920- 1950), heterogeneco en la trakto de la fakoj (prezento kaj enhavo de la artikoloj, uzo/neuzo de ĥ, stilo k.a.), manko de ilustraĵoj. La preleganto prezentas koncize la labormetodojn, la nomenklaturajn principojn, la precipajn ŝanĝojn kaj, pli detale, ekzemplojn de terminoj (precipe en la diversaj kampoj de la natursciencoj, i.a. en botaniko, biologio, ekologio, geologio kaj zoologio), pro kiuj la reviziintoj frontis diversajn malfacilaĵojn, kaj kiel ili solvis tiujn ĉi.