Raporto pri la kunsido de Liberecana Frakcio dum 90-a SAT-kongreso en Koreio, 2017

Inter la 5a kaj la 6a posttagmeze de la 31a de julio 2017, okazis kunveno de la
Liberecana Frakcio de SAT, en Gimpo, Suda Koreio. Kani kunordigis la kunvenon, kaj
li komencis klarigante la funkciadon de la frakcio : ĝi havas dissendoliston, ĝiaj
membroj kunvenas en ĉiuj kongresoj de SAT, kaj kelkaj membroj verkas artikolojn por
la revuoj Sennaciulo kaj Sennacieca Revuo. Foje tiuj artikoloj estas subskribitaj de la
Frakcio, kaj foje de ĝiaj membroj inidividue. Kani ankaŭ emfazis ke tiu Frakcio estas
orientita ĉefe al membroj de sindikatoj, al liberecanoj kaj al anarkiistoj, sed ĉiuj estas
bonvenaj partopreni de ĝiaj kunvenoj. Li ankaŭ instigis nin aperigi artikolojn pri la
agadoj de la Frakcio en ne-esperantistaj revuoj, por disvastigi la agadojn de Esperanto,
de SAT kaj de la Frakcio.

Oni demandis ke ni prezentu nin al la ĉeestantoj. Kelkaj el la plej interesaj detaloj de
tiuj priskriboj : Kani diris ke li estas membro de sindikato CNT en Hispanio, al kies
sidejo li iras unufoje semajne por ĉeesti kunvenojn kaj debati kun homoj, kaj li parolas
pri Esperanto kiam li havas ŝancon fari tion : "Anarkiistoj kaj kelkaj sindikatanoj en
Hispanio ofte favoras Esperanton, kvankam multaj el ili ne vere lernas la lingvon.
Tamen, kelkaj sindikatanoj estas favore al ĝi, kaj ili kutime bonvenigas artikolojn pri
Esperanto kiam mi verkas pri ĝi al iliaj revuoj, aŭ kiam mi tradukas SAT-protokolojn kaj
rezoluciojn al la hispana.” Eĉ se homoj ne decidas lerni Esperanton tiel, tio helpas
antaŭenigi Esperanton, ĉar sciigas homojn pri la ekzistado de Esperanto kaj pri la
subteno de multaj esperantistoj al la luktoj de laboristoj.

Ĵomo ankaŭ prezentis sin, kaj diris ke li estas instruisto kaj partoprenas en agadoj de la
sindikato de instruistoj en Francio. Li estas radikale kontraŭ la fakto ke la franca polico
perfortas krimulojn kaj akuzintojn kaj devigas ilin provizi DNA-on kaj genetikajn
informojn por la registaro. Poste, Annie diris ke ŝi partoprenas en agadoj por subteni
rifuĝintojn. Poste, Alberto diris ke li ne estas membro de sindikatoj, sed li estas ano de
la komunista partio en Kubo, eĉ se li ne estas tiom aktiva en ĝi. Li ankaŭ emfazis : "Tiu
estas la unua fojo ke mi venas al la kongreso de SAT, kaj mia celo ĉi tie estas partopreni
debatojn, lerni, kunhavigi informon kun homoj el la tuta mondo, kaj alporti la ideojn
kiujn mi ricevis ĉi tie al Kubo, por ke mi povu prezenti kelkajn ideojn al mia grupo de
amikoj kaj kunhavigi ion kiun, por ni, estas nova“.

Kelkaj el la ĉeestantoj manifestis sian deziron estis aligita al la dissendolisto de la
Liberecana Frakcio por ĉeesti en ties debatoj, kion oni faros baldaŭ.

Gimpo, 31a de julio 2017, Gijermo kaj Kani