Klerigaj kaj distraj kongresaj programeroj

Ekskursoj

La unua duontaga ekskurso okazis la 11an de aŭgusto en la kokanjaj
ĝardenojen Saint-Barthélemy-d’Anjou, unu el la eksindustriaj urbetoj ĵus apud Anĝevo. Ili estas unu el la iniciatoj, kiuj klopodas pluvivi la sociajn ligojn en tiu ĉi iama industria urbeto. La asocio celas helpi al la
socia reintegriĝo de homoj, kiuj estis forpelitaj el la labormerkato,
helpante ilin retrovi memfidon kaj kapablon labori pere de partopreno en
produktado kaj loka disvendado de organikaj legomoj. Ni vizitis la ejon
gvidite de lokaj respondeculoj pri la centro kaj daŭrigis la interŝanĝon
neformale dum surloka kuntrinkado.

La tuttaga ekskurso de la 13a de aŭgusto okazis en Doué la Fontaine, sude de Greziljono, en urbo fama interalie pro siaj rimarkindaj subteraj keloj, ligitaj al la kalka eco de la tieaj ŝtonoj. Ni matene vizitis iamajn enŝtonajn loĝejojn, kie nun la freŝa atmosfero estas utiligita
por kreskigi fungojn. Post pikniko, dua vizito donis pli vastan geologian perspektivon por klarigi kiel tiuj ŝtonoj formiĝis antaŭ 10 milionoj da jaroj, kiam la regiono estis sub la marnivelo. Ankaŭ venis informoj pri la ŝtonmineja industrio.

La duontaga ekskurso de la 15a de aŭgusto gvidis nin al eta vilaĝo, L’Orbière, kie troviĝas tre originala grandskala artista instalaĵo. Temas pri helico konstruita de poldevena artisto en la 1980-aj jaroj. Post lia frua forpaso, asocio transprenis la prizorgadon de la grandega skulptaĵo, kaj la taskon klarigi en kiu kunteksto venis al la artisto la emo krei tiun artaĵon, parte inspirite de renesanca humanisto Rabelezo.

Prelegoj kaj diskutrondoj
– Kani : historieroj el alia vidpunkto (libroprezento)
– Tanya Ivanovna : Anarĥiistoj en la revolucia movado por liberigo de Makedonio
– Hyongjin Kwon : Trans la konflikto : al mara civitaneco ĉirkaŭ la rokoj de Liancourt
– Pako Balibrea : Juĝa kaj polica subpremo en la hispana ŝtato
– Dieter Rooke : Svisio sen armeo (GSoA) : historio k nuntempaj iniciativoj
– Annie Grente : rifuĝintoj en la insulo Lesvos
– Vito Markovo : Peĉakuĉo pri Speciismo

Vesperaj artaj kaj kulturaj programeroj
– Raymonde Coquisart : Iom por ridi : amuzaj rakontoj
– Dieter Rooke : revoluciaj kantoj
– Tabatha Fabri : Laborista Esperanto-movado en Bruselo inter 1945 kaj 1972
– Christophe Collay : koncerto aŭ balo per violono
– Arno Lagrange : Ŝaknovelo de Stefan Zweig