sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 8an de februaro 2018 . ĝis nun estas 1343 tekstoj










Hans-Georg Kaiser : Ekvilibro (rimpoemo)


Pianisto mem aktivas,
klavoj ŝajne nur pasivas.
Tial estas klava sorto
sin submeti al la forto.

Sed fieras tamen klavoj,
sed ne kiel kvazaŭ-pavoj.
Ĉar sen klavoj kaj piano
eĉ ne ludus majstra mano.

Ekvilibro do ekestas
kaj la tuta mond’ ĉeestas,
se la ĝoj’, la di-fajrero,
jam ekdancas do sur Tero.

Spite al la maljusteco
ĉio estas, ĉiu, peco
de la kosmo kaj de Ter’.
Hom’, fieru, sed kun deco !

Estu batalant’ ĝislaste.
Ne subiĝu kaj eĉ haste.
Klavo iĝis - pro rezisto -
la partner’ de l’ pianisto.

Ĝoju homo, ke vi vivas,
ke vi sanas kaj kreivas,
ĉagreniĝu ne pri riĉo,
tio estus superstiĉo.

Hom’ ne povas manĝi monon,
tial pluan do admonon :
Amu, kreu, ĝis la morto,
tiklu l’ faŭkon de la sorto.


PS : Ke oni " tiklu la sorton en la faŭko" postulis iam la heroa muzikisto Beethoven, revoluciema ulo tute laŭ mia gusto. (HGK)

Sama rubriko :


puce Hans-Georg Kaiser : Laŭ ginkfoli’ (rimpoemo)

puce Hans-Georg Kaiser : Vespero kun junaj rusoj (rimpoemo)

puce Hans-Georg Kaiser : Konsiloj al malĝoja amikino (rimpoemo)

puce Hans-Georg Kaiser : Al la migranto (rimpoemo por foto)

puce Hans-Georg Kaiser : Boksisto kun floro (rimpoemo)

puce Hans-Georg Kaiser : La fendo de l’ mondo (rimpoemo)

puce Hans-Georg Kaiser : Ĉaplino en Parizo (rimpoemo)

puce Hans-Georg Kaiser : Ĉar mi amas vin (rimpoemo)

puce Hans-Georg Kaiser : Ĉevalosorto (rimpoemo)

puce Hans-Georg Kaiser : Ĉeriza flortempo (rimpoemo)

puce Hans-Georg Kaiser : Ni ne lasis koron en Parizo (rimpoemo)

puce Hans-Georg Kaiser : Superstiĉo perforto (rimpoemo) + Spiralo de perforto (eseo)

puce Hans-Georg Kaiser : Tri rimpoemoj pri inoj

puce Hans-Georg Kaiser : Kara paco ( rimpoemo ŝerca)

::: Ĉiuj :::



Supren