sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita lundon la 13an de aŭgusto 2018 . ĝis nun estas 1346 tekstoj










Hans-Georg Kaiser : Superstiĉo perforto (rimpoemo) + Spiralo de perforto (eseo)


JPEG - 8.5 kb

Hans-Georg Kaiser
Superstiĉo perforto


Mi ofendas vin,
vi ofendas min,
tiel ĉio trovos sin.

Vin minacas mi,
min minacas vi,
jen perfekta harmoni’ !

Vi pafos min,
mi pafos vin,
tiel trovu solvo sin.

JPEG - 3.5 kb

Hans-Georg Kaiser
Spiralo de perforto


Spiralo estas kurbiĝo, kies radiuso fariĝas pli kaj pli granda kaj dum tio ĉiam ŝanĝas la flankon. Se okazas perforta ago, la kontraŭflanko ĉiam reagas per pli granda perforta ago, por tiel iam venki ; tio estas la tielnomata spiralo de perforto, ĉar la idioteca konduto similas al matematika kurbiĝo.


Sed tial, ĉar ĉe pli kaj pli granda spiralo de perforto la pacigaj diplomataj ebloj fariĝos pli kaj pli malgrandaj, finiĝos la perfortospiralo kutime nur tiukaze, se ambaŭ malamikaj partioj estas ĝis la lasta ŝtat- aŭ nacia aŭ familia membro neniigitaj kaj ĉiuj kuŝos en tombejo.


Jesuo, la homo, ne la falsa Dio ! (eble la homo Jesuo ja tamen vere vivis), kaj ankaŭ Budhao esploris tiajn perfortajn agadojn, ili proponis interrompi la perfortospiralon per tio, ke oni pardonu al la malamiko ties kulpon kaj agu pace. Sed ĝuste nun oni kutime rigardas tiujn proponojn kiel naivaj kaj tro revemaj ; tial havas ĉiuj grandaj nacioj nutrantaj la perfortospiralon, havas armeon kaj armilindustrion, kiuj voras gigantajn monsumojn ĉiujare. Tion oni rigardas kiel saĝa aŭ eĉ ruza ĉi-tempe. Kaj tielnomataj teroristoj, ankaŭ ŝtataj, pensas kaj agas tute same. Ili estas ĝemeloj de la sama superstiĉo.


Ke povus ekzisti ankaŭ paca vojo por ĉiuj, tio ne serioze estas rigardata kiel altenativo de grandaj ŝtatoj. Alikaze ili ja ne produktus armilojn kaj ne uzus ilin. (Ke Germano ĉijare, do en la ajro 2016, permesas la vendadon de dekfoje pli da municio eksterlanden ol jaron antaŭe, estas tute nekomprenebla kaj klarigebla nur per la vortkombino : profitavido. La teroristoj de ĉiu speco, kiuj aĉetas la municion kaj armilojn, pensas kaj agas tute same. Ili profitavidas je sia maniero.


La kompatindaj viktimoj estas ĉiam tiuj, kiuj tute ne kulpas la perfortospiralon. Ili ĉiam pagas, ofte eĉ per sia sango, kion kaŭzas la perfortistoj.


Tial estas ni, la amashomoj, en ĉiama dilemo, nin oni ne demandas kiel agi, aŭ nur tiukaze, se oni antaŭe sufiĉe sukcese manipulis nian pensadon. Tial tondras preskaŭ ĉie seninterrompe la laŭtparoliloj por perforta agado,ĉar la pacagado laŭdire estas afero por naivuloj kaj la milito – kvankam ĉiam malsukcesa kaj vana por la homaro – la laŭdira solvo por ĉio, tio kvankam perforto evidente neniam ion kreas, sed nur ĉion detruas. Jen la superstiĉo, kiun mi notis en la poemo „Superstiĉo perforto“ por mia propra memkompreno. Ĉu oni iam komprenos tion kaj tutmonde agos sen perforto ? Ĉu oni iam ne plu gloros la detruigan perforton, sed la kreivan pacagadon tutmonde ? La respondon scias laŭ Dylan nur la vento. The answer is blowing in the wind.


JPEG - 3.5 kb


Spiraloj per sim mem estas estetike belaj, kaj tamen eĉ tiaj geniaj eltrovaĵoj de la naturo en nia freneza mondo nun antaŭ ĉio priskribas ion, kio tute ne estas estike bela, sed kruela, brutala, kaj memdetrua. Sed homoj kutime ne lernas ion el spertoj, alikaze ili jam delonge estus forlasintaj eterne surloke turniĝantajn perfortospiralojn kaj celus pli pacan agadon en pli komuneca mondosocio.


JPEG - 3.5 kb
Sama rubriko :


puce Hans-Georg Kaiser : Laŭ ginkfoli’ (rimpoemo)

puce Hans-Georg Kaiser : Vespero kun junaj rusoj (rimpoemo)

puce Hans-Georg Kaiser : Konsiloj al malĝoja amikino (rimpoemo)

puce Hans-Georg Kaiser : Al la migranto (rimpoemo por foto)

puce Hans-Georg Kaiser : Boksisto kun floro (rimpoemo)

puce Hans-Georg Kaiser : La fendo de l’ mondo (rimpoemo)

puce Hans-Georg Kaiser : Ĉaplino en Parizo (rimpoemo)

puce Hans-Georg Kaiser : Ĉar mi amas vin (rimpoemo)

puce Hans-Georg Kaiser : Ĉevalosorto (rimpoemo)

puce Hans-Georg Kaiser : Ĉeriza flortempo (rimpoemo)

puce Hans-Georg Kaiser : Ni ne lasis koron en Parizo (rimpoemo)

puce Hans-Georg Kaiser : Superstiĉo perforto (rimpoemo) + Spiralo de perforto (eseo)

puce Hans-Georg Kaiser : Tri rimpoemoj pri inoj

puce Hans-Georg Kaiser : Kara paco ( rimpoemo ŝerca)

::: Ĉiuj :::



Supren