Elekti kolorojn : grizaj Verda kaj ruĝa Blanka kaj nigra
Ĝisdatigita sabaton la 16an de marto 2024 . Ĝis nun estas 2897 tekstoj   Rss  Indekso  Privata spaco  Kontakto
Informoj | Libroj | Dokumentoj | SAT-organo | Frakcioj | SAT-kulturo | Fakoj | Ligoj | Arĥivo | Venonta kongreso | Membriĝi

En la sama rubriko

puce Intervjuo de OSIEK-premiito
puce Kial SAT ? Al kio utilas "tiu plia asocio, al kiu mi ne volas aliĝi, ĉar mi jam pagas tro multajn kotizojn ktp…" ?
puce SAT-anoj atestas

Kial SAT ? Al kio utilas "tiu plia asocio, al kiu mi ne volas aliĝi, ĉar mi jam pagas tro multajn kotizojn ktp…" ?

[proponita konstanta "subtitolo" :]

Neniam forgesu, ke SAT-amikaro celas instrui esperanton (precipe al progresemuloj) kaj VARBI NOVAJN MEMBROJN AL SAT !!!

"SAT celas per konstanta uzado de racie elpensita lingvo kaj ĝia mondskala aplikado, helpadi al la kreado de racie pensantaj spiritoj, kapablaj bone kompari, ĝuste kompreni kaj prijuĝi ideojn, tezojn, tendencojn, kaj sekve kapablaj elekti memstare la vojon, kiun ili opinias plej rekta, aŭ plej irebla por la liberigo de sia klaso kaj forkonduko de la homaro al kiel eble plej alta ŝtupo de civilizo kaj kulturo."

Kial SAT ? Al kio utilas "tiu plia asocio, al kiu mi ne volas aliĝi, ĉar mi jam pagas tro multajn kotizojn ktp…" ?

Regule, seriozaj raportoj de Neregistataj Organizoj skandaligas ĉiujn pro la informo, ke kvankam la homaro nun disponas pri sufiĉaj teĥnikaj rimedoj por certigi decajn vivkondiĉojn al ĉiuj homoj en la mondo, la elementaj bezonoj de multaj el ili ne estas kontentigitaj, dum kelkaj aliaj malŝparas la riĉaĵojn, kiujn ili akaparis grandkvante.

Tiu situacio ŝuldiĝas al la fakto, ke nun regas ekonomia sistemo, en kiuj la riĉaĵoj ne estas disdonitaj laŭ la bezonoj, sed laŭ la absurdaj reguloj de la liberala kapitalismo.

Multaj rezignacie akceptas tiun situacion, kaj provas adapitiĝi al ĝi, sed tamen ekzistas kelkaj homoj, kiuj klopodas agadi por forigo de tiu sistemo, aŭ almenaŭ provas " mildigi " ĝin.

Tamen iliaj klopodoj restas senefikaj, aŭ almenaŭ estas multe malpli efikaj, ol ili devus esti.

Kial do ?

Unue ĉar ili ĝenerale metas la naciajn interesojn super la klasaj interesoj. Jen trafa nuna ekzemplo, donita de Jakvo Ŝram dum ESF en Parizo : "Ĉe Ford Motor Company en la Belga Limburgo, devas malaperi 3000 laborlokoj. Nekontestebla teruraĵo por tiuj, kiuj perdas laboron. Ford ne nuligis ĉi tiujn laborlokojn, sed translokigas ilin al Turkio, kie oni laboras por eta ono de la prezo, kiun oni devas pagi en Belgio. Tio, kion Ford faras, estas nur simpla parto de la ludo, kiun la kapitalismo jam dum jarcento ludas. Ludo, kiun ni, se falas iom da profito en nian propran poŝon, ne sufiĉe akre, aŭ, imagu, tute ne kontraŭbatalas. Kial Ford povas translokiĝi al Turkio ? Kial la salajroj en Turkio estas tiel multe pli malaltaj ol en Belgio ? Nu, mi havas nur unu respondon : pro manko de internacia solidareco. La sindikatoj ja bone zorgis por la laboristoj ĉe Ford en Belgio, sed neniam faris al si demandojn, kiel fartas la kolegoj en aliaj landoj, ĉu ili ricevas bonan salajron, ĉu ili havas decajn laborkondiĉojn, ĉu la laborloko estas pura kaj sekura".

Tiu situacio jam delonge daŭras, kaj plu daŭros dum la homoj ne parolos la saman lingvon. Tial, per konstanta praktika uzado de esperanto, SAT klopodas fortigi la sentojn de solidareco inter siaj membroj en diversaj landoj, kaj tial SAT devas peri la rilatojn inter malsamlingvaj sed samcelaj asocioj.

Due, pro manko de kunlaborado : ofte samcelaj, sed malsamtendencaj movadoj interbatalas inter si anstataŭ agi kontraŭ la komuna malamiko (ekzemple anarĥiistoj, kiuj forpelis socialistojn el manifestacio en Parizo, antaŭ nelonge). Tio ne okazus se tiuj homoj ne lasus sin blindigi de partiaj, sindikataj aŭ alispecaj dogmoj. Jen alia tereno, sur kiu agas SAT, per organizo de debatoj aŭ eldono de materialo, kiu helpas al la membroj iĝi pli toleremaj kaj komprenemaj rilate al la ideoj de la aliaj.

Trie, pro forgeso de kelkaj elementaj principoj : klasbatalo jes, ned ne kiel ajn. Ofte tiuj movadoj senhonorigis sin pro la ĉeesto de kelkaj fiuloj, por kiuj la celoj pravigis la rimedojn. Pro tio, ke ili batalis por " ĝusta " kaŭzo, ili rajtis trompi siajn membrojn, murdi homojn ktp… Tial SAT klopodas krei racie pensantajn spiritojn, daŭre kapablaj memkritike juĝi siajn proprajn agojn.

Unuvorte, la ĉefa ideo en SAT estas jena : oni unue faru la revolucion en la kapoj, kaj la cetero sekvos.

Tre ambicia programo, diros iuj. Tute neebla, ridaĉos aliaj, el kiuj mi mem, antaŭ sep jaroj, kiam mi unuafoje legis la Statuton de SAT. Tamen post unusemajna kongreso en tute SAT-eca etoso, mi konvinkiĝis, ke tio estas ne nur ebla, sed eĉ tre agrabla kaj intelekta riĉiga tasko.

Do, provu viavice, vi certe ne bedaŭros !

Vinko Markov, el la SAGO, majo 2004

 

Sennacieca Asocio Tutmonda (SAT)

67 av. Gambetta
FR - 75020 Paris

Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58

Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org

Por renkontiĝi kun SAT-anoj en Parizo, informiĝu ĉe la sidejo de SAT-Amikaro

Se vi havas demandojn pri SAT, skribu al la SAT-oficejo en Parizo
aŭ al via peranto

Pri teknikaj problemoj sur la paĝo, skribu al paĝo-aranĝulo.

Privata ejo
Danke al spip

fabrikita en esperantio