Plena Ilustrita Vortaro Eldono 2005

Verkis : Michel Duc-Goninaz, Klaŭdo Roux kaj multaj aliaj

Formato : 24,5 × 15,5 cm

1265 p

Prezo : 60 €

Tiu ĉi 2000-ekzemplera eldono elĉerpiĝis en la jaro 2018.

Priskribo : PIV estas la plej ampleksa k plej kompleta unulingva vortaro de Esperanto, nemalhavebla ilo por ĉiuj homoj, kiuj serioze okupiĝas pri Esperanto, pri verkado, pri literaturo, pri scienco. Ĝi elkreskis el la Plena Vortaro. Ĝia unua eldono el la jaro 1976 ampleksis 37 + 1299 paĝojn. Dek unu jarojn poste, en la jubilea jaro de Esperanto, aperis la Suplemento al PIV, kiu kolektis la novajn vortojn, kiuj enuziĝis en tiu tempo. Nova, plene reprilaborita versio, kun bildoj EN la teksto kaj ne ĉe la fino, aperis en la jaro 2002.

PIV enhavas ankaŭ nomojn de Urboj k de Personoj, ĝi enhavas fakterminojn k neologismojn, slangaĵojn k parolan uzon. Kaj ne laste : ĝi donas amason da uzekzemploj, ĉerpitaj el la verkoj de la grandaj verkistoj de Esperanto. Ĝi do povas servi kiel malgranda enciklopedio.

PIV estas forte bindita kun la ilustraĵoj en la teksto.

La eldono 2005, jam ne plu nomita "nova", konsistis el represo, kun korektoj kaj ĝisdatigoj, de la rebakita eldono de la jaro 2002.