Poresperanta Fako

Per decido de la SAT-kongreso en Bratislavo (2004) la Poresperanta Fako estas oficialigita kiel SAT-fako kun la necesa regularo.

– La Poresperanta Fako havas dissendoliston, al kiu ĉiu membro de SAT povas aliĝi. Ĝi nomiĝas SAT-Poresperanta-Fako.
– Retpoŝta kontakto kun la prizorganto de la dissendolisto : gmickle ĈE nexgo.de
– Retpoŝta kontakto kun la prizorgantoj de la dissendolisto : gmickle ĈE nexgo.de kaj Klasbatalo ĈE aol.com

La iniciatantoj de la Poresperanta Fako alstrebas, ke ĝi plenumu funkciojn, kiujn oni povas proksimume ĉi tiel resumi :

– informi pri Esperanto kaj varbi por SAT en regionoj kaj medioj ekster la atingopovo de la LEA-oj, tute aparte per la interreto ;
– estigi kaj firmigi rilatojn kun interesitoj pri SAT kaj Esperanto, kaj asisti lernantojn de Esperanto, kiuj inkliniĝas politike al SAT kaj troviĝas ekster la atingopovo de la LEA-oj ;
– faciligi per tradukado, enretigo kaj aliaj rimedoj la interŝanĝon kaj komparadon de informaj kaj varbcelaj eldonaĵoj kaj tekstoj inter la LEA-oj kaj unuopaj SAT-membroj okupiĝantaj pri poresperanta laboro ;
– faciligi ĝenerale la interŝanĝon de spertoj pri tiu poresperanta laboro kaj stimuli la debaton pri informstrategiaj konceptoj, cele al konstanta plibonigo de la poresperanta laboro plenumata en la tuta SAT-medio.