Fried : Perforto

Eriko Pac’
Perforto

Perforto ne komenciĝas,
se iu sufokas iun per la manoj.
Ĝi komenciĝas,
se iu diras :
"Mi amas vin :
vi apartenas al mi !"

Perforto ne komenciĝas,
se oni mortigas malsanulojn.
Ĝi komenciĝas,
se iu diras :
"Vi estas malsana :
vi devas fari tion, kion mi diras al vi."

Perforto komenciĝas,
se gepatroj regas siajn obeantajn infanojn
kaj, se papoj kaj instruistoj kaj gepatroj
postulas memregadon.

Perforto regas tie,
kie la ŝtato diras :
"Por kontraŭbatali la perforton
ne plu devas esti perforto
krom MIA perforto."

Perforto regas tie,
kie iu
uŭ io
estas tro alta
aŭ tro sankta
por plia kritiko
aŭ tie, kie kie la kritiko ne rajtas fari ion
krom nur paroli
kaj la sanktuloj kaj gravuloj
rajtas fari pli ol nur paroli.

Perforto regas tie, kie oni diras :
"Vi rajtas uzi perforton",
Sed ofte ankaŭ tie kie oni diras :
"Vi NE rajtas uzi perforton."