Ŝuldoplafono : ne, dankon ! (05-09-2011)

Denove, fine de aŭgusto, miloj da homoj okupis la stratojn en Hispanio por protesti kontraŭ la Parlamenta decido enmeti la reglamentadon de la ŝuldoplafono en la konstitucion. Tio ne estas problemo, kiun nur la hispanoj devos fronti. IMF [1] kaj eŭro-zono nun aktive propagandas la ŝuldoplafonan politikon en multaj landoj tra la mondo. Tio devigus la registarojn malpliigi aŭ forigi la sociajn programojn cele pagi la nacian ŝuldon. Jam nur en Hispanio, la proponita ŝuldoplafono implicus redukton de la buĝeto je pli ol 8000 milionoj da eŭroj, se ĝi estus aplikita hodiaŭ.

La solvo de la ŝuldoplafono, dubinda "realisma celo" el vidpunkto pure ekonomia, estas trudita de la financaj povoj, ĉi tiuj samaj, kiuj estis savitaj komence de la financa krizo. Tiuj samaj institucioj, antaŭ netiomlonge reriĉigitaj per nia mono, nun alcelas tiun, kiun la registaroj elspezas por garantii sociajn rajtojn kiel edukado k sano. Ni ne lasos ilin foriri kun ili. Ne sen batali.

DEMOCRACIA REAL YA ! [2] aktive protestas ekde la 15a de majo kontraŭ la devojigon de publikaj fondusoj far koruptitaj politikistoj. Tial, ni devas nun firme kontraŭi tiun ŝuldoplafono regulon. Ni malvolas, ke niaj politikuloj malŝparu la monon de la civitanoj por garantii pagadon de la nacia ŝuldo, certigante tiel la superregadon de la financa sektoro spite niajn rajtojn.

Ni rifuzas akcepti ajnan politikon pri ŝuldoplafono krom se la pagadoj estu protektitaj per kompensaj agadoj kiel : plialtigo de impostado pri plej altaj enspezoj, kreado de imposto pri financaj movoj (Tobina imposto), kontrolado de la fiksaj paradizoj kaj reglamentado de la merkatoj. Se vi ne agas nun, baldaŭ estos tro malfrue.

Unuiĝu ni por tiu senperforta batalo kontraŭ politiko-financa oligarĥio. Ni ne estas merkataĵoj en manoj de politikistoj kaj bankistoj.

Democracia real ya !

Fonto (franclingva) : http://paris.reelledemocratie.fr/no...
 Anglalingva versio : http://international.democraciareal...