Referendumo 2015

Sur tiu ĉi paĝo estas elŝutebla la referendumilo por elekto de la PK kaj de la Ĝeneralaj Konsilantoj por geografiaj sektoroj, tio por la mandatperiodo 2015-2018.

SAT-anoj rajtas plenigi ĝin kaj rete resendi ĝin al referendumo2015 ĉe gmail.com antaŭ la 28a de februaro 2015.

Proceduro pri reta voĉdonado :

"La balotilo estas dosiero en la retejo de SAT. Kamarado, kiu elektronike voĉdonas, elŝutas la balotilon. Li forviŝas en ĝi la vortojn "jes" aŭ "ne" aŭ "sindeteno" laŭ sia elekto. Li sendas, al retadreso speciale kreita tiucele retmesaĝon, en kies teksta parto estas lia matrikulnumero, kaj al kiu estas aldonita la balotila dosiero kiel kunsendaĵo. Por la kalkulado de la elektronikaj balotiloj necesas 3 kamaradoj :

– unu antaŭ komputilo, kiu laŭte legas la matrikulnumeron kaj kopias la balotilan dosieron sub anonimiga nomo en dosierujon faritan por kolekti la balotilajn dosierojn ;

– unu, kiu registras la laŭtlegitan matrikulnumeron por ebligi kontroli, kiu voĉdonis ;

– unu, kiu malfermas la balotilajn dosierojn, elprintas ilin kaj metas la elprintaĵojn en la ujon de la paperaj balotiloj alvenintaj perpoŝte."