2013 (86a) : Madrido

La 86a kongreso de SAT okazis de 28a de julio ĝis 04a de aŭgusto 2013 en Madrido (Hispanio), ĉe "Colegio Mayor Chaminade". Dum la lastaj dek jaroj la SAT-kongreso okazis ĉiam en Orienta Eŭropo kaj nur dufoje (Milano kaj Parizo) en Okcidenta Eŭropo. Do, denove en Hispanio post 11 jaroj (Alikanto).

Kiel kutime ĉe SAT-kongresoj, matene okazis la Ĝeneralaj Kunsidoj de SAT, kiuj estas malfermaj al ĉiuj kongresanoj, kaj posttagmeze kaj foje vespere kleraj programeroj kaj socipolitikaj debatoj. Vespere ĉefe okazis la distraj programeroj : koncertoj, teatraĵoj ktp.

Tuttaga ekskurso al Toledo (dum tiu tago ne estis aliaj programeroj) kaj duontagaj promenadoj okazis tra Madrido serĉante ne nur la turismajn konindaĵojn sed ĉefe la lokojn kiuj estas ligataj al la historio kaj socipolitika vivo de la urbo kaj de la lando. Postkongreso okazis el la 5a al la 8a de aŭgusto kun vizitoj al najbaraj urboj Avilo kaj Segovio, kaj tutcerte memorinda vojaĝo al la Mezepoko. Ĉiutage ni revenis al Madrido kie oni povis ĝui la vesperan madridan nokton.

Informaron pri Hispanio, Madrido kaj Toledo vi povas trovi en la koncernaj artikoloj de Vikipedio. Pri Avilo kaj Segovio jam estas iom, kaj pli detala sekvos.

Pliaj prikongresaj informoj aperas regule iom post iom en ĉi tiu retejo.

Adreso de la OKK :

– Poŝta :
Asociación “Izquierda y Esperanto - SATeH”
Apartado de correos 8537
ES – 28080 – Madrid (Hispanio)

– Reta :
esperanto(ĉe)nodo50.org