Doumegnon : Tamtamo

Doumegnon
Tamtamo

Afrika tamtamo, vi kundancigas nin,
vi, kiu anoncas al ni bonajn nova ?ojn,
vi anka ?, kiu anoncas la malbonajn
nova ?ojn al ni ;
estas vi, al kiu mi parolas.

Tamtamo por la semotempo
miksita kun la ardaj ritmoj
kaj la dolĉaj kantoj de l’ kokoj,
vi, kiu metas la ?ojon en la korojn
de la homoj ;
mi vin salutas.

Vi, tamtamo, tamtamo,
kiam vi venas kun la funebra tembro
kiel la blekado de otuso
por anonci la morton,
ĉiuj afrikanoj ploras.

Tamtamo, tamtamo skulptita el tiu
beninda arbaro,
tiu esenco, kiu faras la famecon de nia
kontinento.
Vi por la velkemaj kaj sopiremaj ritmoj,
vi, kiu estas plena je gracio,
mi vin dankas sincere.

Vi, tamtamo, kiu vidis mian praulon
naski ?i.
Vi, kiu pensigas anka ? ĉiujn niajn mortintojn,
vi estos ĉiam la sama,
vi neniam estingi ?os.