Liberpensula Frakcio - Sennacieca Asocio Tutmonda
Liberpensula Frakcio


Federacio Anarkista Komuniko pri Ukrainio


Fronte al la rusa invado, internacia solidareco ! Ĉesu la militon !

Ĉi-matene, la 24-an de februaro 2022a, la armeo de Vladimir Putin invadis Ukrainion tra Belorusio, Krimeo kaj Donbaso. Tiu ĉi invado certe celis Kievon, tre proksime de la Belarusia limo. Pluraj urboj suferspertis misilpafadon, inkluzive de la ĉefurbo. Siaflanke, ukraina prezidento Volodimir Zelinskij promesas "Ukrainio defendos sin kaj venkos".

Ĉi tiu situacio estis bedaŭrinde antaŭvidebla. Rusio jam montris sian imperiisman ambicion, precipe en Kartvelio en 2008, en Mezoriento kaj en Afriko pli lastatempe. En Ukrainio, post la Maidan-ribelo en Kievo en 2014 (kiu forpelis por-rusan prezidenton Viktor Janukoviĉ), Putin aneksis Krimeon kaj helpis por-rusajn Donbass-separistojn en la oriento (la memproklamita "Popolrespublikoj" de Luhansko kaj Donecko) . En televida "Alvoko al la Popolo" la 21-an de februaro, Putin diris : "Ni prenas pecon de Donbaso, kaj se Ukrainio faros ondojn (...) tiam ni prenos eĉ pli. “, havante ĉe la landlimoj 190 000 soldatojn pretajn por batalo. Ĉiuj ĉi tiuj soldatoj poziciigitaj ĉe la rus-ukrainia limo same kiel en Belorusio estis tie, ne nur por Donbaso, sed kun intenco meti la manojn sur ĉion aŭ parton de Ukrainio, estante por Putin konsiderata kiel regiono de "La Rusa Imperio".

Ukrainio estas kaptita en vajco : unuflanke ĝiaj resursoj estas aviditaj por plifortigi la Kremlan reĝimon, malfortigita de la ekonomia krizo kaj kies aŭtoritato estis subfosita dum la pandemio, aliflanke la NATO provas tiri ĝin en sian sinon.
En pluraj regionoj de la mondo, imperiistaj rivalecoj pligrandigas armitajn konfliktojn kies la loĝantaroj estas viktimoj.
Anarkiistoj ĉiam kontraŭbatalas naciismon kaj kapitalismon, tiuj 2 plagoj kiuj portas en si "militon kiel nubo portas ŝtormon", plifortigante la militarigon kaj aŭtoritatismon de la Ŝtatoj, kiam novliberala tutmondiĝo fanfaronis pri alportado de demokratio kaj paco. !
Tio ŝajnas nur esti la komenco de pluraj jaroj da militoj aŭ streĉitecoj inter la plej riĉaj landoj, ĝis nun indulgitaj, eksportante iliajn konfliktojn aliloken, la celo estas kontroli maldensiĝantajn naturresursojn kreante naciistajn impetojn, nostalgiaj de la malnovaj "imperioj" kun ilia gloritan vizion de fantasmigita pasinteco, kiu silentas milionojn da senkulpaj viktimoj, kaj ebligas ideologie pravigi tiujn militojn al ilia loĝantaro. La pliiĝo de militaj buĝetoj tra la mondo ankaŭ estas grava realaĵo.

Nia batalo por konstrui mondon bazitan sur solidareco, interhelpo kaj internaciismo estas pli necesa ol iam ajn.

Pri la situacio en Ukrainio, ni konsentas kun la alvoko de niaj rusaj gekompanoj agi ĉi kie eblas, laŭ ĉies rimedoj : "Neniu milito inter popoloj !" Neniu paco inter la klasoj ! » https://www.monde-libertaire.fr/?article=Contre_les_annexions_et_lagression_imperialiste.
Ni ankaŭ vokas, tutmonde, batali kontraŭ kapitalismon, naciismon, imperiismon kaj ankaŭ kontraŭ la armeon (kaj SNU en Francio) kiuj ĉiam puŝas nin al novaj militoj.
Ni staras solidarecaj kun niaj gekompanoj surloke, decidinte fuĝi aŭ batali en la ukrainaj sindefendaj milicoj, kvankam ni scias, ke ekstremdekstraj fortoj de faŝisma kaj nazia ideologio (feliĉe minoritata) ankaŭ ĉeestas tie ekde 2014.