Estu mojosa !

rimpoemo

Hans-Georg Kaiser
Estu mojosa

Mojosu ĉe l’ starto,

je ĉies bonfarto.
Senbride eĉ ridu,
mojose ekfidu !

Mojos’ vin jam gloros,
se hom’ vin adoros ;
ĉielen vin levu,
mojose ekrevu !

Artistoj scivolas,
kamufle eĉ rolas.
Artistoj protestas,
per mok’ manifestas.

Mojosa vivarto,
vin helpu ĉe l’ starto.
Mojosu laŭveste
leĝeru dumfeste.

Ekhisu la velojn,
ne lasu la celojn.
Vi belu kaj dancu,
mojose avancu.

Desper’ nin konsternas,
sed ĝojo eternas.
Mojoso instigas,
la vivon beligas.

Mojoso modernas
kaj tamen eternas.
Mojosu, vivanto,
por ĉiuj kun kanto.

Mojosu, ĉar gravas,
ke homoj nin ravas,
ĉar sen iluzio
ni estus nenio.

Mojosu vivarte
por ĉiuj bonfarte.
Senbride do ridu,
mojoson vi fidu !

Sennacieca Asocio Tutmonda
67 av. Gambetta FR - 75020 Paris
(telefono) +33.(0)1 47 97 87 05 / (fakso) +33.(0)1 47 97 71 90 / Freebox: +33.08 70 71 01 97
Oficejo malfermita lunde 09h30-15h30 kaj de mardo ĝis vendredo 09h30-16h30.

Ĉefa paĝo mapo privata ejo

Supren