Hans-Georg Kaiser
Policisto nr-o 285
Sur lia kapo tronas pinto.
Ĝi estas kontraŭbata finto.
Surzone lia nombro brilas.
Ĝi pruvas, ke li ne civilas.
La policist’ supere fartas.
Kaj se necesas, li eĉ startas.
Suspektajn ulojn li kolume
tuj kaptas kaj senpalpebrume.
Li kaptus ankaŭ vin plezure,
leĝoligita kvazaŭ ŝnure.
Kaj se vi lin ne vere ŝatas,
la ulo tute senkompatas.
PS : La foton faris kantistino Anjo, kiu fotis ĝin en Hungario. Do en la iama regno de la habsburka monarkio. La policano estas evidente ekzemplero el tiu tempo. La spirito de tiaj uloj ankoraŭ nun vivas. La nuna registaro en Hungario ne povus nei certan parencecon al la skulptura figuro. Tial ii ŝajne ankaŭ pagis la monumenton. La policŝtato denove estas "en modo". Kaj tio ne estas miraklo. Ju pli da polico registaro de ŝtato bezonas, des malpli ĝi estas efektive la reprezentanto de ties popolo. Des pli da policbastonoj necesas por teni la popolon surgenue. (HGK)
Sennacieca Asocio Tutmonda (SAT)
67 av. Gambetta
FR - 75020 Paris
Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58
Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org
Por renkontiĝi kun SAT-anoj en Parizo, informiĝu ĉe la sidejo de SAT-Amikaro
Se vi havas demandojn pri SAT, skribu al la SAT-oficejo en Parizo
aŭ al via peranto
Pri teknikaj problemoj sur la paĝo, skribu al paĝo-aranĝulo.