Bukowski : Buĉistotranĉilo kaj mokturdo

Charles Bukowski
Buĉistotranĉilo kaj mokturdo

Ĉiuj teorioj
kiel kliŝoj
senrezultiĝis ; ĉiuj ĉi
malgrandaj vizaĝoj
kiel ili rigardas supren
tiel kredemaj kaj belaj ;
mi ploremas,
sed cerbumi estus
stulta. Mi volus povi kredi,
sed kredo estas tombejo.
Jen la ŝlosilvortoj :
buĉistotranĉilo kaj
mokturdo.
Deziru feliĉon al ni.

tradukis Dorothea & Hans-Georg Kaiser