Elekti kolorojn : grizaj Verda kaj ruĝa Blanka kaj nigra
Ĝisdatigita ĵaŭdon la 11an de aprilo 2024 . Ĝis nun estas 2904 tekstoj   Rss  Indekso  Privata spaco  Kontakto
Informoj | Libroj | Dokumentoj | SAT-organo | Frakcioj | SAT-kulturo | Fakoj | Ligoj | Arĥivo | Venonta kongreso | Membriĝi
UNUA PAĜO

En la sama rubriko

puce Atentigo de l’ eldonisto kaj antaŭparolo de l’ redaktinto
puce Letero 168a
puce Letero 125a
puce Letero 126a
puce Letero 127a
puce Letero 128a
puce Letero 129a
puce Letero 130a
puce Letero 131a
puce Letero 132a
puce Letero 133a
puce Letero 134a
puce Letero 135a
puce Letero 136a

Letero 128a


De prezidant-edzino de Turvelo al sinjorino de Rozmondo


Nur hieraŭ mi ricevis, Sinjorino, vian malfruan respondon. Ĝi estus min tuj mortiginta, se mi ankoraŭ regus mian vivon ; sed nun aliulo posedas ĝin : sinjoro de Valmono. Kiel vi vidas, mi nenion kaŝas al vi, ĉar vian amikecon mi preferus perdi, ol per mensogo artifike konservi. Mi simple diros, ke antaŭ du eblecoj : akcepti la memmortigon de s-ro de Valmono aŭ konsenti je lia feliĉo, mi elektis ĉi-lastan. Pri tio mi sentas min nek kulpa, nek fiera ; mi simple konstatas.


El tio vi facile komprenos la impreson al mi de via letero kun ĝiaj severaj veraĵoj. Mi tamen nenion bedaŭras, kaj neniam ŝanĝos miajn sentojn kaj konduton. Mi ja havas kruelajn momentojn ; sed kiam mia koro estas plej premata, kiam mi timas, ke mi ne povos elteni mian turmenton, mi pensas : Valmono estas feliĉa ; kaj ĉio malaperas antaŭ tiu ideo ; aŭ pli ĝuste ĉio ŝanĝiĝas en plezurojn.


Mi do al via nevo dediĉis mian vivon ; al li mi oferis ĝin. Li iĝis la sola celo de miaj pensoj, sentoj, agoj. Tiom longe, kiom mia vivo estos necesa al lia feliĉo, ĝi estos kara al mi, kaj mi trovos ĝin plene kontentiga. Se lia animo iam ŝanĝiĝos, li ricevos de mi nek plendon nek riproĉon ; mi jam aŭdacis konsideri tiun fatalan eventon kaj prenis mian decidon.


Vi do nun komprenas, kiel malmulte tuŝas min via ŝajna timo, ke iam s-ro de Valmono ruinigos min, ĉar por fari tion, li devos antaŭe ĉesi ami min ; tiam aliulaj riproĉoj estos al mi vanaj kaj indiferentaj. Li sola estos mia juĝonto ; ĉar mi vivas nur por li, en lin solan mi deponas juĝorajton pri mi : se li devos konsenti, ke mi amis lin, tiu konsento estos antaŭ miaj okuloj sufiĉa pravigo por mia konduto.


Mi malfermis, Sinjorino, mian koron al vi, preferante per mia sincero la eventualan bedaŭrindan perdon de via estimo, ol ties konservon per maldigna mensogo. Viaj antaŭaj bonfaroj estas por mi la fonto de tiu mia fido je vi. Aldoni pliajn vortojn estus havi la orgojlon, ke mi plu rajtas je via komplezo ; male mi ĉesas pretendi je ĝi. Mi restas kun respekto, Sinjorino, via tre humila kaj obeema servantino.


El Parizo, la 1an de Novembro 17**.

 

Sennacieca Asocio Tutmonda (SAT)

67 av. Gambetta
FR - 75020 Paris

Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58

Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org

Por renkontiĝi kun SAT-anoj en Parizo, informiĝu ĉe la sidejo de SAT-Amikaro

Se vi havas demandojn pri SAT, skribu al la SAT-oficejo en Parizo
aŭ al via peranto

Pri teknikaj problemoj sur la paĝo, skribu al paĝo-aranĝulo.

Privata ejo
Danke al spip

fabrikita en esperantio