Bukowski : Palmfolioj en pluvo

prozpoemtraduko

Charles Bukowski
Palmfolioj en pluvo

Ĝuste noktomeze,
en Silvestro de la jaro
1973 en Los Anĝeleso
komencis pluvi sur la
palmfoliojn antaŭ
mia fenestro, ekhurlis la
hupado, la knalado de la
piroteknikaĵoj,
estis infera bruego.

Mi enlitiĝis jam
je la naŭa vespere,
forŝaltis la lumon
kaj tiris la litkovrilon
super min...
Ilia petolado, ilia
gajeco, ilia kriado,
iliaj paperĉapeloj,
iliaj aŭtoj, iliaj inoj,
iliaj amatoraj

drinkorgioj...

En la silvestra nokto
kaptas min ĉiam
horora sento. La vivo,
mi pensas, ja ne estas
deŝirkalendaro.

Nun ĉesis

la hupado.

Neniuj
artfajraĵoj plu,
neniu tondrado. Post kvin
minutoj ĉio finiĝis.
Ĉio, kion mi aŭdas,
estas la pluvo sur la
palmfoliojn, kaj mi diras
al mi : Mi neniam komprenis
la homojn, sed mi sukcesas
vivi kun ili.

tradukis Hans-Georg Kaiser,
laŭ la Carl Weissner-traduko
„Palmenblätter im Regen“
lingve kontrolis Franko Luin
kaj Vladimir Türk