Elekti kolorojn : grizaj Verda kaj ruĝa Blanka kaj nigra
Ĝisdatigita ĵaŭdon la 11an de aprilo 2024 . Ĝis nun estas 2904 tekstoj   Rss  Indekso  Privata spaco  Kontakto
Informoj | Libroj | Dokumentoj | SAT-organo | Frakcioj | SAT-kulturo | Fakoj | Ligoj | Arĥivo | Venonta kongreso | Membriĝi
UNUA PAĜO

En la sama rubriko

puce Atentigo de l’ eldonisto kaj antaŭparolo de l’ redaktinto
puce Letero 168a
puce Letero 125a
puce Letero 126a
puce Letero 127a
puce Letero 128a
puce Letero 129a
puce Letero 130a
puce Letero 131a
puce Letero 132a
puce Letero 133a
puce Letero 134a
puce Letero 135a
puce Letero 136a

Letero 148a


De kavaliro Dansnio al markizino de Mertejo


Ho vi, kiun mi amas ! Ho ci, kiun mi adoras ! Ho vi, kiu komencis mian feliĉon ! Ho ci, kiu plenigis ĝin ! Vi, animo sentema, ci milda amantino, kial la rememoro de cia aflikto venas konfuzi tiun ĉarmon, en kiu mi nun vivas ? Ha, Sinjorino, vi kvietiĝu : petas tion mia amiksento ; ho, amikino, ci feliĉiĝu : petas tion mia amo.


Nu, kion vi riproĉas al vi mem ? Kredu min, via delikateco estas troa. Via bedaŭro, same kiel mia kulposento estas egale iluziaj kaj el mia koro mi sentas, ke la sola deloginto inter ni tute simple estis amo. Do ne plu timu allasi cin mem al la sentoj, kiujn ci naskis, ne plu timu malfermi cin al la ardoj, kiun ci flamigis. Nu, ĉu niaj koroj estas malpli puraj, ĉar ili bezonis pli longan tempon por kompreni ? Certe ne. Nur fidelogado, agante laŭ projekto, aranĝas siajn agojn kaj rimedojn, longe antaŭvidante la eventojn. Male la vera amo ne ebligas tian meditan pripensadon ; ĝia sento deturnas nin de pensado ; ĝia rego estas ju pli forta, ke des pli mistera ; en ombro kaj silento ĝi volvas nin per ligiloj nevideblaj kaj nerompeblaj.
Tiel hieraŭ, malgraŭ mia emocio pro via reveno, malgraŭ mia plezurego pro via revido, mi ankoraŭ kredis, ke vekas mian koron nur milda amiksento ; aŭ pli ĝuste, pro tiu mildeco mem mi ne zorgis esplori ties motivojn. Same kiel min, ho delikata amikino, cin trafis tiu maskita sed potenca ĉarmo, oferanta niajn animojn al la dolĉa sento de tenereco ; kaj ni ambaŭ rekonis amon nur post la eliro el tiu ebrieco, kien tiu eta dio pelis nin.


Sed tio mem nin pravigas, anstataŭ nin kondamni. Ne ! Ci ne trompis mian amikecon ; ne ! Mi ne perfidis cian fidon. Ni ambaŭ, ja kontentaj pri nia iluzio, ne komprenis nian veran reciprokan senton, kiun ni ne intencis naski. Ha ! Ni ne prilamentu, kaj nur ĝuu nian ĵus aperintan feliĉon ! Per nejustaj riproĉoj ni ĝin ne makulu, sed male pliigu per la ĉarmo de fido kaj sekureco. Ho ! Amikino, kara al mia koro estas l’ espero, ke ekde nun, libera de ĉia timo, plene okupata nur de amo, ci partoprenos la dezirojn kaj ebriiĝon de miaj sentoj, la delirojn kaj freneziĝon de mia animo. Estu ĉiu tago de nia bonŝanca vivo stampita de nova voluptaĵo.


Adiaŭ, ci adorata ! Mi vizitos cin hodiaŭ vespere ; ĉu ci solos ? mi ne aŭdacas tion esperi. Ha ! Ci ne tiel arde deziras tion, kiel mi !


El Parizo, la 1an de Decembro 17**.

 

Sennacieca Asocio Tutmonda (SAT)

67 av. Gambetta
FR - 75020 Paris

Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58

Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org

Por renkontiĝi kun SAT-anoj en Parizo, informiĝu ĉe la sidejo de SAT-Amikaro

Se vi havas demandojn pri SAT, skribu al la SAT-oficejo en Parizo
aŭ al via peranto

Pri teknikaj problemoj sur la paĝo, skribu al paĝo-aranĝulo.

Privata ejo
Danke al spip

fabrikita en esperantio